تاثیر 15 اکتوبر ۲۰۲۴:- ایس -ایم- حسن
سیتا مڑھی ( مظفر عالم)
سیتامڑھی کے نجی اسپتال میں 22 سالہ خواتین روبی دیوی نے شہر کے ڈومرا روڈ پر واقع نوجیون ملٹی اسپیشلٹی اسپتال میں ایک ساتھ چار بچوں کی پیدائش ہوئی ۔ سدواڑہ کے رہائشی رمیش سدا کی اہلیہ کو الٹرا ساؤنڈ میں تین بچے ہونے کی امید تھی تاہم آپریشن کے دوران اس نے چوتھے بچے کو بھی جنم دیا۔ ہسپتال کے ڈائریکٹر ڈاکٹر پروین کمار کی قیادت میں ڈاکٹروں کی ٹیم نے یہ کامیاب آپریشن کیا۔ پہلے ایک بیٹی اور پھر تین بیٹے کی پیدائش ہوئی ۔ ڈاکٹروں نے اسے ایک غیر معمولی اور معجزاتی واقعہ قرار دیا۔ یہ بھی بتایا گیا کہ ماں اور تمام بچے صحت مند ہیں۔ روبی کے خاندان میں خوشی کی فضا ہے اور مقامی لوگوں نے بھی اس منفرد تقریب کا خیر مقدم کیا ہے۔ ڈاکٹروں نے ماؤں اور بچوں کی صحت کو یقینی بنانے کے لیے باقاعدگی سے چیک اپ اور دیکھ بھال کی ضرورت پر زور دیا۔