موسم کے انداز میں اس ہفتے تبدیلی کا امکان کم

 دربھنگہ (فضا امام ) 4 دسمبر: موسم کا انداز اس ہفتے پہلے کی طرح معمول کے مطابق چلتا رہے گا۔ موسم کے مزاج میں بڑی تبدیلیوں کا امکان کم ہے۔ دن کا موسم خشک اور عام طور پر صاف آسمان رہنے کی توقع ہے۔ جبکہ رات کے درجہ حرارت میں معمولی کمی دیکھی جا سکتی ہے۔ اس دوران ہلکی دھند صبح کے وقت دیکھی جا سکتی ہے۔ محکمہ موسمیات پوسا کی جانب سے جاری اس ہفتے کی موسم کی پیش گوئی کے مطابق اس ہفتے بھی سردی معمول پر رہے گی۔ دن کا زیادہ سے زیادہ درجہ حرارت 25 سے 27 ڈگری سیلسیس کے آس پاس رہے گا۔ جبکہ رات کا درجہ حرارت 10 ڈگری سینٹی گریڈ تک پہنچ سکتا ہے۔ اس ہفتے بھی مغربی ہوائیں 5 سے 7 کلومیٹر فی گھنٹہ کی رفتار سے چل سکتی ہیں۔ پیشن گوئی کے مطابق آنے والے دنوں میں صبح کی ہوا میں نمی کی سطح 80 سے 95 فیصد رہنے کا امکان ہے۔ جبکہ آسمان صاف ہونے کی وجہ سے دوپہر تک ہوا میں نمی کی سطح 45 سے 55 فیصد تک کم ہو سکتی ہے ۔ موسمیات کے ایک اندازے کے مطابق سردی کا دورانیہ 4 سے 6 دن تک کم ہو سکتا ہے، اب تک کے موسم کو دیکھتے ہوئے اس سال شدید سردی کا دورانیہ کم رہنے کا امکان ہے۔ سردی کے دنوں کا دورانیہ 4 سے 6 دن تک کم ہو سکتا ہے۔ یہ اس لیے بھی ہو سکتا ہے کہ نومبر یا دسمبر میں متوقع بارشیں ابھی نہیں ہوئیں۔ پہاڑی علاقوں کا بھی یہی حال ہے۔ یہی وجہ ہے کہ گزشتہ ایک ہفتے کے دوران دن اور رات کے درجہ حرارت میں کوئی بڑی تبدیلی نہیں آئی۔ منگل کو دن کا زیادہ سے زیادہ درجہ حرارت 26.4 ڈگری سیلسیس رہا جبکہ گزشتہ رات کم سے کم درجہ حرارت 11.5 ڈگری ریکارڈ کیا گیا۔