بھیونڈی ( شارف انصاری ):- نیشنل انویسٹی گیشن ایجنسی کی ٹیم نے 45 سالہ نوجوان کامران انصاری کو بھیونڈی تعلقہ کے کھاڑی پار علاقے سے دہشت گردی کے واقعات میں ملوث ہونے کے شبہ میں گرفتار کیا ہے۔ مالیگاؤں کا رہنے والا کامران کئی سالوں سے کھونی گاؤں کے قریب ڈونگرکر ٹرسٹ کی عمارت میں اپنے خاندان کے ساتھ رہ رہا تھا ۔ پڑوسیوں نے بتایا کہ کامران اکثر مسلم مذہبی اجتماع میں جاتا ہے اور کوئی نہیں جانتا کہ وہ کیا کام کرتا ہے۔
این آئی اے کی ٹیم نے صبح کامران کو گرفتار کر لیا۔ نظام پور پولیس اسٹیشن کے اہلکار بھی کامران کی گرفتاری سے لاعلم بتائے جاتے ہیں۔ مالیگاؤں کے رہنے والے کامران انصاری پر دہشت گردی کے واقعات میں ملوث ہونے کا شبہ ظاہر کیا جا رہا ہے۔ حال ہی میں این آئی اے نے دہشت گردی میں ملوث ملزموں کو پڑگھا بوریولی اور پدما نگر سے بھی گرفتار کیا تھا۔