تاثیر 11 جنوری ۲۰۲۵:- ایس -ایم- حسن
ممبئی،11 جنوری:تھرڈ آئی ایشین فلم فیسٹیول اس وقت جاری ہے۔ فیسٹیول کا آغاز فلم ‘ بلیک ڈاگ’ سے ہوا۔ 16 جنوری تک جاری رہنے والے سات روزہ فیسٹیول میں ایشیا کے مختلف ممالک کی فلمیں دکھائی جائیں گی۔ فیسٹیول کے دوران شائقین کو مختلف قسم کے معیاری فنکاریوں کا مشاہدہ کرنے کا موقع ملے گا۔ اس میلے میں جاوید اختر کو اعزاز سے نوازا گیا۔
ایشین فاؤنڈیشن، محکمہ ثقافت، حکومت مہاراشٹرا اور فلم سٹی کے اشتراک سے منعقدہ 21 ویں تھرڈ آئی ایشین فلم فیسٹیول کا آغاز ہو گیا ہے۔ اس موقع پر فیسٹیول کے صدر کرن شانتارام، اداکارہ سونالی کلکرنی سمیت کئی مشہور شخصیات موجود تھیں۔ اس فیسٹیول میں مشہور اسکرین رائٹر اور نغمہ نگار پدم بھوشن جاوید اختر جنہوں نے سنیما کی دنیا میں نمایاں خدمات انجام دی ہیں، کو میلے کے صدر کرن شانتارام نے خصوصی ایوارڈ ‘ایشین کلچر’ سے نوازا۔