تاثیر 07 جنوری ۲۰۲۵:- ایس -ایم- حسن
نئی دہلی، 07 جنوری :بھارت پول پورٹل کو 195 ممالک کے انٹرپول نیٹ ورک سے جوڑ کر جرائم پر قابو پانے میں تاریخی کردار ادا کرے گا۔ مرکزی وزیر داخلہ امت شاہ نے منگل کو بھارت پول پورٹل کو ملک کی بین الاقوامی تحقیقات کے لیے ایک نئے دور کا آغاز قرار دیتے ہوئے کہا کہ اب بیرون ملک فرار ہونے والے مجرموں کو پکڑنا آسان ہو جائے گا۔ انہوں نے کہا کہ ملک کی ہر ایجنسی اور تمام ریاستوں کی پولیس انٹرپول میں شامل ہو کر درست تجزیہ اور تال میل کے ذریعے جرائم سے نمٹ سکے گی۔
مرکزی وزیر داخلہ دہلی کے بھارت منڈپم میں سنٹرل بیورو آف انویسٹی گیشن (سی بی آئی) کے ذریعہ تیار کردہ بھارت پول پورٹل کا آغاز کرنے کے بعد تقریب سے خطاب کر رہے تھے۔ اس دوران مرکزی وزیر داخلہ نے سی بی آئی کے 35 افسران اور ملازمین کو ممتاز خدمات کے لیے صدر پولیس میڈل اور تفتیش میں بہترین کارکردگی کے لیے مرکزی وزیر داخلہ کے تمغہ سے نوازا۔