تاثیر 01 فروری ۲۰۲۵:- ایس -ایم- حسن
نئی دہلی، یکم فروری: مرکزی وزیر خزانہ نرملا سیتا رمن نے ہفتہ کو اپنے بجٹ میں کسانوں کے لیے ایک اہم اقدام کا اعلان کیا۔ پارلیمنٹ میں ‘پردھان منتری دھن-دھانیہ یوجنا’ کے آغاز کا اعلان کرتے ہوئے، وزیر خزانہ نے کہا کہ اس کا مقصد زرعی شعبے میں پیداواری صلاحیت اور کسانوں کی معاشی حالت کو بہتر بنانا ہے۔ اس اسکیم کے تحت حکومت 1.7 کروڑ کسانوں کو مالی مدد فراہم کرے گی اور ان کے لیے بہتر مواقع پیدا کرنے کی سمت میں قدم اٹھائے گی۔
بجٹ میں 100 اضلاع کا احاطہ کرنے والی ریاستوں کے ساتھ شراکت داری، فصلوں کے تنوع کو اپنانے، فصل کے بعد ذخیرہ کرنے، آبپاشی کی سہولیات کو بہتر بنانے اور طویل مدتی اور قلیل مدتی قرض کی دستیابی کو آسان بنانے کے لیے ‘پردھان منتری دھانیہ’ کے یوجنا کا ‘ اعلان کیا گیا ۔
ہنر، سرمایہ کاری، ٹکنالوجی اور دیہی معیشت کو مضبوط کرنے کے ذریعے زراعت میں بے روزگاری کو دور کرنے کے لیے ریاستوں کے ساتھ شراکت داری میں ایک جامع کثیر شعبی ‘دیہی خوشحالی اور لچک'(گرامین سرمدھی اور لچیلا پن) پروگرام شروع کیا جائے گا۔ اس کا مقصد دیہی علاقوں میں مناسب مواقع پیدا کرنا ہے، جس میں دیہی خواتین، نوجوان کسانوں، دیہی نوجوانوں، پسماندہ اور چھوٹے کسانوں اور بے زمین خاندانوں پر توجہ دی جائے گی۔
مرکزی وزیر خزانہ نے اعلان کیا کہ حکومت تور ،ارد اور مسور پر خاص توجہ دینے کے ساتھ 6 سالہ ” دالوں میں خود انحصاری مشن” شروع کرے گی ۔ مرکزی ایجنسیاں (نیفیڈ اوراین سی سی ایف) اگلے 4 سالوں کے دوران جتنی بھی پیش کش کی جائے گی ، ان تینوں دالوں کی خریداری کرنے کیلئے تیار رہیں گی۔