جنتا ہائی اسکول کی جانب سے ایک بیداری مہم چلائی گئی

دربھنگہ(فضا امام) 7 اپریل-آج 7 اپریل 2025 کو +2 جنتا ہائی اسکول کی جانب سے ایک بیداری مہم چلائی گئی جس کا افتتاح اسکول کے پرنسپل توحید احمد اور آر جے ڈی لیڈر کم اسکول مینجمنٹ کمیٹی کے ممبر فیضان شوکت نے فیتہ کاٹ کر اور رتھ کو روانہ کرکے کیا۔ اس موقع پر سب سے پہلے اسکول کے فیڈر ایریا کھڑوا پنچایت کے مختلف گاؤں بشمول سندر پور، لکشمی پور، تلہان، اور بیلوا کا دورہ کرتے ہوئے والدین سے درخواست کی گئی کہ وہ اپنے بچوں کو اسکول سے جوڑیں اور وقت پر اسکول بھیجیں۔ اس موقع پر انتظامی کمیٹی کے ممبر جناب شوکت نے اپنی پنچایت کے مکینوں سے بچوں کو اسکول سے جوڑنے کی درخواست کی۔ اگر کسی قسم کی کوئی مشکل پیش آئے تو اسکول انتظامیہ ہر ممکن مدد فراہم کرنے کے لیے تیار ہے۔ اس سفر میں اسکول کے سابق ہیڈ ماسٹر تنویر عالم سمیت کئی اساتذہ موجود تھے۔