محبت کے جرم میں ہوئی موت

سیتامڑھی (مظفر عالم )

محبت کے معاملے میں سزائے موت سے علاقے میں سنسنی پھیل گئی۔ پولیس نے لاش کو کھیت سے نکال کر پوسٹ مارٹم کے لیے صدر اسپتال سیتامڑھی بھیج دیا ہے۔ اس معاملے میں متوفی کی والدہ اندو دیوی نے بتایا کہ کنچن کی شادی ایک سال قبل گاؤں چوروٹ میں ہندو رسم و رواج کے مطابق ہوئی تھی۔ شادی کے دو ماہ بعد میری بیٹی کنچن نے پوپری تھانہ علاقہ کے ٹیمہوا گاؤں کے رہنے والے سوجیت کمار کے ساتھ فرار ہو کر شادی کر لی۔ پچھلے آٹھ ماہ سے کنچن اپنے عاشق سوجیت کے ساتھ ٹیمہوا گاؤں میں رہ رہی تھی۔ کل رات پولیس کو اطلاع ملی کہ سوجیت اور اس کے گھر والوں نے کنچن کا قتل کر کے لاش کو کھیت میں دفن کر دیا ہے۔ اس معاملے میں پوپری پولیس نے فوری کارروائی کرتے ہوئے ملزم سوجیت کے والد رام بھروس رائے اور سوجیت کی ماں کو گرفتار کر لیا اور لاش کو پوسٹ مارٹم کے لیے صدر اسپتال سیتامڑھی بھیج دیا گیا ہے۔