تاثیر 6 اپریل ۲۰۲۵:- ایس -ایم- حسن
بکسر،6 اپریل:بہار کے بکسر میں ایک کار حادثہ پیش آیا۔ اس واقعے میں تین افراد ہلاک ہو گئے۔ کئی افراد کے زخمی ہونے کی اطلاع ہے۔ یہ واقعہ اتوار کی صبح ضلع کے انڈسٹریل تھانہ کے تحت ہری کشن پور موڑ کے قریب پیش آیا۔
تمام مرنے والے روہتاس ضلع کے بکرم گنج تھانہ علاقے کے تحت شیو پور ہالٹ کے رہنے والے ہیں۔ وہ آخری رسومات میں شرکت کے لیے بکسر جا رہے تھے۔ اس دوران این ایچ 922پر ایک کار ڈرائیور نے پیچھے سے ریت سے لدے ٹرک کو ٹکر مار دی۔
اس واقعہ کے بعد موقع پر چیخ و پکار مچ گئی۔ گاڑی مکمل طور پر تباہ ہو گئی ہے۔ مقامی لوگوں کے مطابق یہ واقعہ صبح 3 بجے سے 4 بجے کے درمیان پیش آیا۔ کار این ایچ 922پر بھوجپور سے بکسر کی طرف جا رہی تھی۔ اس دوران حادثہ پیش آیا۔
لوگوں نے بتایا کہ گاڑی بہت تیز رفتاری سے چل رہی تھی۔ جیسے ہی گاڑی کھڑے ٹرک سے ٹکرائی ایک زوردار آواز آئی۔ تصادم کی آواز سن کر جب لوگ موقع پر پہنچے تو دیکھا کہ کار ٹرک کے عقب سے ٹکرا گئی ہے۔ کار میں 7 افراد سوار تھے جن میں سے 3 کی موقع پر ہی موت ہو گئی۔