تاثیر 9 اپریل ۲۰۲۵:- ایس -ایم- حسن
جیو فائنانس لمیٹڈ نے ڈیجیٹل لون اگینسٹٹ سیکورٹیز میں قدم رکھا
جیو فائنانس ایپ سے صرف 10 منٹ میں ملے گا 1 کروڑ روپے تک کا قرض
شرح سود 9.99% سے شروع ہو رہی ہے، کوئی فورکلوزر چارجز نہیں
ممبئی، 8 اپریل، 2025 ۔جیو فائنانس لمیٹڈ (جے ایف ایل) نے سیکیورٹیز کے خلاف لون (ایل اے ایس) کے شعبہ میں قدم رکھ دیا ہے۔ صارفین اپنے ڈیمیٹ اکاؤنٹس میں رکھے ہوئے حصص اور میوچل فنڈز جیسی سیکیورٹیز کو گروی رکھ کر قرض حاصل کر سکیں گے، اور وہ بھی انہیں فروخت کیے بغیر۔ کمپنی کا دعویٰ ہے کہ یہ عمل مکمل طور پر ڈیجیٹل، محفوظ اور او ٹی پی پر مبنی ہے۔ جیو فائنانس ایپ کے ذریعے صرف 10 منٹ میں 1 کروڑ روپے تک کا قرض لیا جا سکتا ہے۔ بتا تے چلیں کہ جیو فنانشیل سروسیز لمیٹڈ کی این بی ایف سی( نان بینکنگ فائنانشیل کمپنی) شاخ ہے جو جیو فائنانس لمیٹڈ(JFL)
کمپنی اسے ڈیجیٹل فرسٹ مالیاتی خدمات کے لیے ون اسٹاپ منزل قرار دے رہی ہے۔ یہ صارفین کی مالی ضروریات کو پورا کرنے کے لیے ڈیزائن کیا گیا ہے۔ جس میں حصص کے خلاف قرض اور میوچل فنڈز کے خلاف قرض جیسی خدمات شامل ہیں۔ قرض کے لیے سود کی شرحیں صارف کے ذاتی رسک پروفائل کے مطابق ہوں گی۔ کمپنی نے انہیں بہت کم رکھنے کی کوشش کی ہے، شرح سود 9.99 فیصد سے شروع ہوگی۔ یہ قرضے زیادہ سے زیادہ تین سال کی مدت کے لیے ہوں گے اور اس پر کوئی فورکلوزر چارجز نہیں ہوں گے۔
جیو فائنانس لمیٹڈ کے منیجنگ ڈائریکٹر اور سی ای او کوسل رائے نے کہا، “سیکیورٹیز کے خلاف لون کا آغاز ہماری وسیع ڈیجیٹل حکمت عملی کا حصہ ہے جس کا مقصد صارفین کے مالیاتی خدمات تک رسائی کے طریقے کو تبدیل کرنا ہے۔ یہ لانچ مالیاتی خدمات کو مزید قابل رسائی، تیز تر اور کسٹمر پر مرکوز بنانے کے ہمارے مشن میں ایک اہم قدم ہے۔
ہوم لون، پراپرٹی کے خلاف قرض اور کارپوریٹ فنانسنگ کے ساتھ ساتھ سیکیورٹیز کے خلاف قرض بھی جیو فائنانس ایپ کے ذریعے حاصل کیا جا سکتا ہے۔ اس کے علاوہ، جیو فائنانس ایپ وسیع پیمانے پر مالی خدمات پیش کرتی ہے جیسے یو پی آئی ادائیگی، رقم کی منتقلی، بچت اکاؤنٹس، ڈیجیٹل گولڈ، انشورنس اور سرمایہ کاری پورٹ فولیو ٹریکنگ وغیرہ۔