تاثیر 24 اپریل ۲۰۲۵:- ایس -ایم- حسن
سلی گوڑی، 24 اپریل : مغربی بنگال کے سلی گوڑی سے نو بنگلہ دیشیوں کو گرفتار کیا گیا ہے۔ سلی گوڑی میٹرو پولیٹن پولیس کی آشیگھر چوکی کی پولیس نے شہر کے فاکادائی باڑی علاقے سے بنگلہ دیشیوں کو گرفتار کیا ہے۔ گرفتار بنگلہ دیشیوں میں دو نابالغ ہیں۔ اس کے علاوہ گھر کے مالک کو بھی بنگلہ دیشیوں کو پناہ دینے کے الزام میں گرفتار کیا گیا ہے۔
گرفتار شدہ بنگلہ دیشیوں کی شناخت جتن چندر رائے (56)، باؤل رانی (54)، بالو چندر رائے (40)، گلابی رانی (30)، جھرنا رانی (34)، سنجیو رائے (19) اور نرمل مجومدار (60) کے طور پر کی گئی ہے۔
پولیس ذرائع کے مطابق سلی گوڑی میٹروپولیٹن پولیس کو خفیہ اطلاع ملی تھی کہ کچھ بنگلہ دیشی چند ماہ قبل اسلام پور کے علاقے سے غیر قانونی طور پر ہندوستان میں داخل ہوئے تھے۔ جس نے مشرقی بائی پاس سے ملحقہ فیکڑی باڑی میں تقریباً ایک ماہ کے لیے مکان کرائے پر لے رکھا ہے۔ کرائے کے مکان میں رہتے ہیں اور شہر میں کام کرتے ہیں۔