تاثیر 12 مئی ۲۰۲۵:- ایس -ایم- حسن
نئی دہلی، 12 مئی: وزیر اعلیٰ ریکھا گپتا نے پیر کو صحافیوں کے ایک وفد سے ملاقات کی جس کی قیادت نیشنل یونین آف جرنلسٹس (انڈیا) (این یو جے-آئی) کے صدر راس بہاری اور دہلی جرنلسٹس ایسوسی ایشن (ڈی جے اے) کے صدر راکیش تھپلیال نے کی۔ دہلی اسمبلی میں وزیر اعلیٰ کے دفتر میں وفد نے وزیر اعلیٰ کو دہلی کے صحافیوں کو درپیش مختلف مسائل سے آگاہ کیا۔ وزیراعلیٰ نے ان مسائل کو ترجیحی بنیادوں پر حل کرنے کی یقین دہانی کرائی۔ این یو جے-آئی کے صدر راس بہاری نے وزیر اعلیٰ سے کہا کہ دہلی میں کام کرنے والے تمام صحافیوں (تسلیم شدہ اور غیر تسلیم شدہ) کو پڑوسی ریاستوں ہریانہ اور اتر پردیش کی طرز پر مفت طبی سہولیات اور پنشن کی سہولت فراہم کی جانی چاہئے۔ اس کے علاوہ دہلی حکومت کی ایکریڈیٹیشن کمیٹی کی تنظیم نو پر بھی تبادلہ خیال کیا گیا۔ خواتین صحافیوں کے مسائل بھی زیر بحث آئے۔ وزیر اعلیٰ نے یقین دلایا کہ بھارتیہ جنتا پارٹی کے منشور میں کئے گئے اعلانات کو ترجیحی بنیادوں پر جلد نافذ کیا جائے گا۔