تاثیر 5 مئی ۲۰۲۵:- ایس -ایم- حسن
دھرم شالہ، 04 مئی: انڈین پریمیئر لیگ (آئی پی ایل) 2025 کے 54ویں میچ میں پنجاب کنگز نے لکھنؤ سپر جائنٹس کو ہائی اسکورنگ میچ میں 37 رن سے شکست دے دی۔ اس جیت کے ساتھ ہی پنجاب کی ٹیم پوائنٹس ٹیبل میں دوسرے نمبر پر پہنچ گئی ہے۔ اس کے 11 میچوں میں 15 پوائنٹس ہیں۔
پنجاب کی طرف سے دیے گئے 237 رن کے نشانے کا تعاقب کرتے ہوئے لکھنؤ کی شروعات اچھی نہیں رہی اور اننگز کے تیسرے اوور میں مچل مارش بغیر کھاتہ کھولے آؤٹ ہو گئے۔ پھر اسی اوور کی پانچویں گیند پر دوسرے اوپنر ایڈن مارکرم بھی 13 رن بنانے کے بعد آؤٹ ہو گئے۔ اس کے بعد ٹیم کو ہر چند وقفے پر جھٹکے لگتے رہے۔
نکولس پورن 6 رن بنانے کے بعد پویلین لوٹ گئے، کپتان رشبھ پنت 18 رن، ڈیوڈ ملر 11 رن بنا کر آؤٹ ہوئے، البتہ آیوش بڈونی اور عبدالصمد نے ٹیم کے لیے تھوڑی جدوجہد کی۔ جنہوں نے چھٹی وکٹ کے لیے 81 رن کی شراکت داری کی۔ عبدالصمد 45 رن بنانے کے بعد آؤٹ ہوئے۔ بدونی نے اس کے بعد آویش خان کے ساتھ 34 رن کی چھوٹی شراکت داری کی لیکن یہ کافی نہیں تھی۔ لکھنؤ کی ٹیم 20 اوور میں صرف 199 رن بنا سکی۔ بڈونی نے 74 رن بنائے جبکہ آویش خان 19 رن بنا کر ناٹ آؤٹ رہے۔