تاثیر 12 مئی ۲۰۲۵:- ایس -ایم- حسن
ممبئی ، 12 مئی :اجے دیوگن، وانی کپور اور رتیش دیش مکھ جیسے اسٹار اداکاروں والی فلم ’ریڈ 2‘ باکس آفس پر شاندار کارکردگی کا مظاہرہ کر رہی ہے۔ فلم کو ریلیز ہوئے 11 دن ہوچکے ہیں اور شائقین کا جوش و خروش ابھی تک برقرار ہے۔پاکستان اور بھارت کے درمیان بڑھتی ہوئی کشیدگی کے باعث اس ہفتے کوئی بھی نئی فلم سینما گھروں میں ریلیز نہیں ہوئی جس کا براہ راست فائدہ ’ریڈ 2‘ کو ہوا ۔ اس کی وجہ سے فلم نے بہت زیادہ ناظرین کو اپنی طرف متوجہ کیا اور ہفتے کے آخر میں اس کے کلیکشن میں نمایاں اضافہ دیکھا گیا۔ باکس آفس ٹریکرسیکلنک کے مطابق فلم کی گھریلو کمائی اب 120.75 کروڑ روپے تک پہنچ گئی ہے۔ محض 48 کروڑ روپے کی لاگت سے بنی، اس فلم نے دنیا بھر میں 130 کروڑ روپے سے زیادہ کا بزنس کیا، جس سے یہ سال کی سب سے کامیاب فلموں میں سے ایک ہے۔ قابل ذکر ہے کہ’ریڈ 2‘ کو راج کمار گپتا نے ڈائریکٹ کیا ہے، جنہوں نے ایک بار پھر شائقین کو ایک دلچسپ اور طاقتور فلم دی ہے۔