تاثیر 6 مئی ۲۰۲۵:- ایس -ایم- حسن
ویٹی کن سٹی، 06 مئی:پوپ فرانسس کے جانشین کے انتخاب کے لیے تیزی سے سرگرمیاں جاری ہیں۔ نئے پوپ کے انتخاب کا عمل کل سے شروع ہوگا۔ 170 کارڈینلز بشمول 132 کارڈینل الیکٹر س کنکلیو میں شرکت کے لیے پہنچے ہیں۔ اس بار دنیا بھر کے 1.4 بلین کیتھولک کے لیے نئے پوپ کا انتخاب جغرافیائی تنوع کے لحاظ سے تاریخی ہوگا۔
ویٹیکن نیوز کے مطابق نئے پوپ کے انتخاب کے لیے کانکلیو بدھ کو شروع ہوگا۔ اگرچہ کارڈینلز کے لیے قومیت یا علاقے کے لحاظ سے ووٹ ڈالنے کی کوئی مجبوری نہیں ہے، لیکن جغرافیائی لحاظ سے ان کے خیالات کو سمجھنے سے ان کی ترجیحات کا اندازہ ہو جاتا ہے۔ اس وقت 71 ممالک میں 80 سال سے کم عمر کے 135 کارڈینل ہیں۔ ان میں سے دو نے صحت کی وجوہات بتا کر ووٹنگ میں حصہ لینے سے منع کر دیا ہے۔ اکثریت کے لیے دو تہائی یعنی 89 ووٹ درکار ہوں گے۔ اٹلی میں سب سے زیادہ کارڈینل ہیں، جن کی تعداد 17 ہے۔ امریکہ (10)، برازیل (7)، فرانس اور اسپین (5)، ارجنٹینا، کینیڈا، ہندوستان، پولینڈ اور پرتگال میں چار چار کارڈینل ہیں۔