تاثیر 24 جون ۲۰۲۵:- ایس -ایم- حسن
وارانسی، 24 جون:چھتیس گڑھ کے وزیر اعلیٰ وشنو دیو سائی نے اپنی ریاست میں ترقیاتی کاموں کو تیز رفتاری سے آگے بڑھانے کے لیے مرکزی حکومت سے تعاون کی توقع ظاہر کی ہے۔ منگل کو یہاں منعقدہ مرکزی زونل کونسل کی 25ویں میٹنگ میں چھتیس گڑھ کے وزیر اعلیٰ نے مرکزی وزیر داخلہ امت شاہ کی صدارت میں ہونے والی بات چیت کے دوران ریاست کے قبائلی علاقوں میں تعلیم اور صحت کی حالت کو بہتر بنانے کے لیے مزید مرکزی امداد دینے سمیت کئی ضروری تجاویز بھی دیں۔
میٹنگ کے بعد، سوشل میڈیا اکاؤنٹ پر لکھا گیا کہ وزیر اعظم نریندر مودی کے ”تعاون پر مبنی اور مسابقتی وفاقیت” کے منتر کو عملی جامہ پہنانے کی سمت میں ایک اہم قدم کے طور پر، مرکزی وزیر داخلہ امیت شاہ کی صدارت میں وارانسی میں منعقدہ مرکزی زونل کونسل کی 25ویں میٹنگ میں آج شرکت کی۔ اس میٹنگ میں اتر پردیش کے وزیر اعلی یوگی آدتیہ ناتھ، مدھیہ پردیش کے وزیر اعلی موہن یادو اور اتراکھنڈ کے وزیر اعلی پشکر سنگھ دھامی بھی موجود تھے۔ اس میٹنگ میں ریاستوں کے درمیان تال میل، سیکورٹی، صحت، سیاحت، ٹرانسپورٹ، ڈیزاسٹر مینجمنٹ اور انفراسٹرکچر کی ترقی جیسے مختلف موضوعات پر گہری اور نتیجہ خیز بات چیت ہوئی۔