تاثیر 16 جون ۲۰۲۵:- ایس -ایم- حسن
اسلام آباد، 16 جون: ایران اور اسرائیل کے درمیان بڑھتی ہوئی عسکری کشیدگی کے باعث پاکستان، عراق اور قطر سمیت کئی ممالک میں بین الاقوامی فلائٹ آپریشن متاثر ہوئے ہیں۔ پاکستان نے کم از کم 16 پروازیں منسوخ کر دی ہیں۔ کراچی میں علاقائی فضائی حدود کی پابندیوں کے باعث جدہ، مشہد، بغداد اور تہران جانے والی آٹھ پروازیں منسوخ کر دی گئی ہیں۔ اسلام آباد سے نجف جانے والی غیر ملکی ایئر لائنز کی دو پروازیں بھی منسوخ کر دی گئی ہیں۔
یہ اطلاع پاکستان کے دنیا نیوز چینل کی خبر میں دی گئی۔ چینل نے دعویٰ کیا ہے کہ اس کے علاوہ جدہ، دبئی، بحرین اور راس الخیمہ سے اسلام آباد جانے والی پروازوں کو بھی تاخیر کا سامنا ہے۔ سعودی ایئر لائنز نے علاقائی تنازع کے درمیان آج اور 17 جون کے لیے ایران اور عراق کے لیے شیڈول تمام پروازیں منسوخ کر دی ہیں۔