تاثیر 16 جون ۲۰۲۵:- ایس -ایم- حسن
لندن ،15جون: انگلینڈ کے سابق کپتان کیون پیٹرسن نے ورلڈ ٹیسٹ چمپئن شپ فائنل میں جنوبی افریقی اوپنر ایڈن مارکرام کی سنچری کو ٹیسٹ کرکٹ میں جنوبی افریقی بلے باز کی بہترین اننگز قرار دیا۔ مارکرام کے 207 گیندوں پر 136 رنز کی بدولت جنوبی افریقہ نے آسٹریلیا کو پانچ وکٹوں سے شکست دے کر 27 سال بعد آئی سی سی ٹرافی جیتی۔
پیٹرسن نے کہا، “یہ ممکنہ طور پر ٹیسٹ کرکٹ میں کسی جنوبی افریقی بلے باز کی بہترین اننگز ہے۔ یہ شاید سب سے زیادہ جارحانہ یا دل لگی اننگز نہ رہی ہو، لیکن پہلی اننگز میں ناکامی کے بعد اسٹیج، توقعات اور دباؤ کو دیکھتے ہوئے یہ غیر معمولی تھی۔” انہوں نے بتایاجب ملک کی توقعات کھلاڑی پر لگ جاتی ہیں تو دباؤ کی سطح بہت زیادہ ہوتی ہے۔