تاثیر 16 جون ۲۰۲۵:- ایس -ایم- حسن
نئی دہلی ،15جون: بنگلور بھگدڑ کے بعد بورڈ آف کنٹرول فار کرکٹ ان انڈیا (بی سی سی آئی) نے سخت فیصلہ لیتے ہوئے سیکرٹری دیوجیت سائکیا کی سربراہی میں تین رکنی کمیٹی تشکیل دی ہے۔ یہ کمیٹی 15 دنوں کے اندر کسی بھی قسم کے فتح کے دورے کے لیے رہنما اصول تیار کرے گی۔
ہفتہ کو بی سی سی آئی کی اعلیٰ کونسل کا 28 واں اجلاس منعقد ہوا۔ اس دوران بورڈ نے بنگلور اور احمد آباد میں ہونے والے حادثے پر غم کا اظہار کیا۔ اس میٹنگ میں بی سی سی آئی نے فتح کے دوروں کے لیے رہنما اصول بنانے کی ذمہ داری تین رکنی کمیٹی کو سونپی۔ بورڈ نے دیوجیت سائکیا کی صدارت میں ایک کمیٹی تشکیل دی ہے جس میں پربھتیج سنگھ بھاٹیہ اور راجیو شکلا شامل ہوں گے۔ کمیٹی 15 دنوں میں گائیڈ لائن تیار کرے گی۔