تاثیر 9 جولائی ۲۰۲۵:- ایس -ایم- حسن
ارریہ، 09 جولائی: بہار میں ووٹر لسٹ پر نظرثانی کے کام کے خلاف احتجاج میں عظیم اتحاد کی طرف سے بلائے گئے بہار بند کے اعلان کے بعد بدھ کے روز فاربس گنج ریلوے اسٹیشن پر بند حامیوں نے 75758 اپ جوگبنی کٹیہار مسافر ٹرین کو روک دیا۔ بند حامیوں نے مرکزی حکومت اور الیکشن کمیشن کے خلاف جم کر نعرہ بازی کی۔ٹرین کے اچانک رکنے اور نعرے بازی سے اسٹیشن پر کچھ دیر تک افراتفری کا ماحول بن گیا۔ اس دوران آر پی ایف انچارج امیش سنگھ نے بند حامیوں میں سے پانچ کو حراست میں لے لیا۔ بند کے پانچ گرفتار حامیوں میں آر جے ڈی کے فاربس گنج صدر بلال علی، یوتھ کانگریس کے ریاستی جنرل سکریٹری کرن کمار پپو، این ایس یو آئی کے ضلع صدر اور کونسلر ارشاد صدیقی، کانگریس کے ممتاز سلام اور احتشام شامل ہیں۔