تاثیر 17 اکتوبر ۲۰۲۵:- ایس -ایم- حسن
ممبئی، 16 اکتوبر :بھارت کی پہلی ’مینٹل ہیلتھ ایمبیسیڈر‘ بننے کے بعد اداکارہ دیپیکا پدوکون نے اب ایک اور بڑا سنگ میل عبور کر لیا ہے۔ انہیں میٹا اے آئی کی نئی آواز کے طور پر متعارف کرایا گیا ہے۔ یہ خوشخبری اداکارہ نے خود اپنے سوشل میڈیا اکاؤنٹ پر ایک ویڈیو میں شیئر کی جس سے ان کے مداح بے حد پرجوش ہیں۔دیپیکا نے انسٹاگرام پر ریکارڈنگ اسٹوڈیو کی ایک ویڈیو شیئر کی، جس میں وہ کہتی ہیں، “میں میٹا اے آئی کی نئی آواز ہوں، کیا آپ تیار ہیں؟” اس نے ویڈیو کے کیپشن میں کہا، “یہ واقعی مزے کی بات ہے۔ اب میں میٹا اے آئی کا حصہ ہوں، اور آپ ہندوستان، امریکہ، کینیڈا، برطانیہ، آسٹریلیا، اور نیوزی لینڈ میں میری آواز کے ساتھ انگریزی میں چیٹ کر سکتے ہیں۔ اسے آزمائیں اور مجھے بتائیں کہ آپ کو یہ کیسا لگا۔
دیپیکا کے مداحوں کی جانب سے سوشل میڈیا پر ان کی کامیابی پر مبارکباد کا سیلاب آگیا۔ ایک صارف نے لکھا کہ ’ہر دن ایک نئی کامیابی ہے‘۔ دوسرے نے کہا، “آپ کی آواز بہت پْرسکون ہے۔” ایک اور مداح نے لکھا، “وہ ایک حقیقی عالمی آئیکن ہیں۔ میٹا نے صحیح انتخاب کیا۔” کام کے محاذ پر، دیپیکا اس وقت شاہ رخ خان کے ساتھ اپنی آنے والی فلم “کنگ” اور اللو ارجن کے ساتھ ایک نئی فلم کے لیے خبروں میں ہیں۔