تاثیر 17 اکتوبر ۲۰۲۵:- ایس -ایم- حسن
نئی دہلی، 16 اکتوبر: کانگریس کے سابق صدر اور لوک سبھا میں اپوزیشن کے لیڈر راہل گاندھی نے امریکی صدر ڈونالڈ ٹرمپ کے اس بیان پر تنقید کی ہے کہ ہندوستان روس سے تیل خریدنا بند کر دے گا، اسے ہندوستان کی خارجہ پالیسی پر سوالیہ نشان قرار دیا ہے۔ ایک ایکس پوسٹ میں راہل گاندھی نے سوال کیا کہ ٹرمپ کو یہ کہنے کا موقع کیسے ملا کہ ہندوستان روس سے تیل نہیں خریدے گا۔ انہوں نے سوال کیا کہ وزیراعظم کو کس بات کا خوف ہے۔ انہوں نے سوال کیا کہ وزیر خزانہ کا دورہ امریکہ کیوں ملتوی کیا گیا، بھارت نے شرم الشیخ اجلاس میں شرکت سے کیوں گریز کیا اور وزیر اعظم ٹرمپ کے “آپریشن سندور” کے بیان پر احتجاج کیوں نہیں کر رہے ہیں۔ بدھ کو امریکی صدر ٹرمپ نے کہا کہ وزیر اعظم نریندر مودی نے انہیں یقین دلایا ہے کہ ہندوستان روس سے تیل خریدنا بند کر دے گا۔