تاثیر 5 اکتوبر ۲۰۲۵:- ایس -ایم- حسن
پٹنہ، 5 اکتوبر: بہار اسمبلی انتخابات کے لیے کانگریس نے اشوک گہلوت، بھوپیش بگھیل، اور ادھیر رنجن چودھری کو سینئر مبصر مقرر کیا ہے۔ کانگریس نے دو سابق وزرائے اعلیٰ اور ایک سابق ریاستی صدر پر اعتمادکا اظہار کیا۔ اشوک گہلوت راجستھان کے وزیراعلیٰ رہ چکے ہیں، جب کہ بھوپیش بگھیل چھتیس گڑھ کے وزیراعلیٰ رہ چکے ہیں۔ ادھیر رنجن چودھری مغربی بنگال کانگریس کے صدر رہ چکے ہیں۔ ان لیڈروں کے تجربے کو دیکھتے ہوئے پارٹی نے انہیں بہار انتخابات کی ذمہ داری سونپی ہے۔
ان تین رہنماو?ں کے ساتھ کانگریس نے 41 ضلعی انتخابی مبصر بھی مقرر کئے ہیں۔ ان میں اویناش پانڈے، بھکت چرن داس، اجے رائے، انیل چودھری، بی وی سری نواس، وکرانت بھوریا، عرفان انصاری، روہت چودھری، اور انیل چوپڑا، اور دیگر شامل ہیں۔ بہار میں، کانگریس عظیم اتحاد کا حصہ ہے، جس میں آر جے ڈی، سی پی آئی-ایم ایل، اور مکیش ساہنی کی پارٹی شامل ہے۔ اتحاد میں سیٹوں کی تقسیم کو ابھی حتمی شکل نہیں دی گئی۔ بات چیت جاری ہے۔