تاثیر 18 اکتوبر ۲۰۲۵:- ایس -ایم- حسن
فتح پور، 17 اکتوبر: کانگریس کے سابق صدر اور ممبر پارلیمنٹ راہل گاندھی جمعہ کو صبح 9:30 بجے اتر پردیش کے فتح پور ضلع میں یکم اکتوبر کے واقعے میں مارے گئے ہریوم بالمیکی کے اہل خانہ سے ملنے پہنچے ۔ انہوں نے متاثرہ خاندان سے بات کی، ان کے دکھ کو جانا اور انہیں کانگریس پارٹی کی طرف سے ہر ممکن مدد کا یقین دلایا۔
فتح پور کے رہنے والے 38 سالہ دلت نوجوان ہریوم والمیکی کو2 اکتوبر 2025 کو رائے بریلی ضلع میں ایک ہجوم نے چور سمجھ کر پیٹ پیٹ کر ہلاک کر دیا تھا۔ نوجوان کی لاش رائے بریلی ضلع کے ہرچند پور تھانہ علاقے میں ایشورداس پور ریلوے ہاٹ کے قریب سے ملی۔ اس کے بعد اس کی پٹائی کا ایک ویڈیو وائرل ہوا۔ پولیس نے اس سلسلے میں مقدمہ درج کر کے 12 ملزمان کو گرفتار کر کے جیل بھیج دیا ہے۔