تاثیر 2 نومبر ۲۰۲۵:- ایس -ایم- حسن
سنگھواڑہ دربھنگہ (محمد مصطفی)مرکزی نیم فوجی دستوں نے 6 نومبر کو ہونے والے اسمبلی انتخابات کی تیاری کے لیے سنیچر کو سمری تھانہ علاقے میں روٹ مارچ نکالا، اہلکاروں نے عوام سے بلا خوف اپنا ووٹ ڈالنے کی اپیل کی۔ انہوں نے سماج دشمن عناصر کو سخت وارننگ دی کہ انتخابات میں خلل ڈالنے والوں کے خلاف سخت کارروائی کی جائے گی اہلکاروں نے سمری، ،بستواڑہ مادھو پور، بنولی، جلوار، ارئی، بردی پور، کنسی، پنچایت اور آس پاس کے علاقے میں پیدل مارچ کیا۔ مقامی لوگوں کے ساتھ بات چیت کرتے ہوئے اہلکاروں نے اس بات پر زور دیا کہ جمہوریت کے اس عظیم تہوار کے دوران ہر ووٹر کو آزادی سے ووٹ دینے کا حق ہے۔ سیکورٹی فورسز اس حق کے تحفظ کے لیے پوری طرح تیار ہیں۔ سمری تھانہ صدر اروند کمار نے کہا کہ آزادانہ اور منصفانہ ووٹنگ میں رکاوٹ ڈالنے والوں کے خلاف سخت کارروائی کی جائے گی۔ انہوں نے مزید کہا کہ انتخابات کے لیے سیکیورٹی کے وسیع انتظامات کیے گئے ہیں، ہر پولنگ بوتھ پر پولیس کی مناسب تعیناتی رہے گی انہوں نے ووٹرز پر زور دیا کہ وہ بلا خوف اپنا ووٹ ڈالیں اور انتظامیہ ان کی حفاظت کو یقینی بنانے کے لیے پوری طرح تیار ہے۔ سیکورٹی فورسز کی سرگرمی سے علاقے میں امن و اعتماد کا ماحول پیدا ہوا ہے