تاثیر 2 نومبر ۲۰۲۵:- ایس -ایم- حسن
پونے ، 2 نومبر:۔مہاراشٹر کے پونے اور ناسک اضلاع میں اتوار کی صبح پیش آئے دو علیحدہ سڑک حادثات نے مجموعی طور پر چار خاندانوں کو غم زدہ کر دیا۔ ان حادثات میں چار افراد چل بسیاور نو افراد زخمی ہوئے جن میں تین کی حالت نازک بتائی جارہی ہے۔ دونوں واقعات کی مقامی پولیس جانب سے تحقیقات جاری ہیں۔
پونے میں قریب صبح چار بج کر تیس منٹ پر بنڈگارڈن میٹرو اسٹیشن کے پاس ایک کار تیزی کے باعث ستون سے ٹکرا گئی۔ کوریگاؤں پولیس اسٹیشن کی سینئر انسپکٹر سنگیتا جادھو نے بتایا کہ اس حادثے میں دو نوجوان دم توڑ گئے، جبکہ ایک ساتھی شدید زخمی ہے۔ جاں بحق نوجوان کی شناخت ہریتھک بی کے طور پر کی گئی ہے۔ زخمی شخص زیر علاج ہے اور معاملے کی مزید جانچ اسپتال پولیس کے ذریعے کی جا رہی ہے۔ عینی شاہدین کے مطابق کار بری طرح تباہ ہوئی اور مبینہ طورپر اندر سے شراب کی بوتلیں ملی ہیں، جس کے بعد پولیس یہ شبہ ظاہر کر رہی ہے کہ ڈرائیونگ کے دوران نشہ کیا گیا تھا۔ گوریگاؤں پولیس کی ٹیم شواہد اکٹھے کرتے ہوئے معاملہ آگے بڑھا رہی ہے۔