تاثیر 28 اپریل ۲۰۲۶:- ایس -ایم- حسن
ڈھاکہ، 28 اپریل:سعودی عرب میں مزید دو بنگلہ دیشی عازمین حج فوت ہو گئے۔ حج بلیٹن کے مطابق، 17 اپریل سے حج پروازوں کے آغاز سے لے کر 27 اپریل تک سعودی عرب میں چھ بنگلہ دیشی عازمین حج فوت ہو چکے ہیں۔ پیر تک کل 36,996 بنگلہ دیشی عازمین 92 پروازوں سے سعودی عرب پہنچے۔
ڈھاکہ ٹریبیون نے رپورٹ کیا کہ حجاج کرام کی موت کی اطلاع ایک بلیٹن میں دی گئی۔ اس میں کہا گیا ہے کہ اب تک سرکاری انتظامات کے تحت 3,284 عازمین سعودی عرب پہنچ چکے ہیں۔ مزید 33,712 نجی ایجنسیوں کے ذریعے گئے ہیں۔ اب تک، 40 پروازیں بیمان بنگلہ دیش ایئر لائنز، 34 سعودی ایئر لائنز، اور 18 فلائیناس نے چلائی ہیں۔
بیمان بنگلہ دیش ایئرلائنز نے 16,587، سعودی ایئرلائنز نے 12,860 اور فلائناس 7,549 مسافروں کو سوار کیا۔ حج بلیٹن نے اس بات کی بھی تصدیق کی ہے کہ تمام چھ عازمین کی موت قدرتی وجوہات سے ہوئی۔
حکومتی ترجمان کے مطابق اس سال بنگلہ دیش سے کل 78,500 عازمین کو حج کی اجازت دی گئی ہے۔ 660 ایجنسیاں پرائیویٹ مینجمنٹ کے تحت حج سے متعلق کام کر رہی ہیں جن میں 30 اہم ایجنسیاں بھی شامل ہیں۔ ڈھاکہ میں سعودی سفارت خانے نے 78,297 ویزے جاری کیے ہیں۔ چاند نظر آنے کی بنیاد پر سعودی عرب میں حج 26 مئی کو ہونے کا امکان ہے۔