فوج کے جوانوں نے شہریوں کے ساتھ مل کر فٹنس اور حب الوطنی کا جذبہ پیدا کیا

تاثیر 10 مئی ۲۰۲۶:- ایس -ایم- حسن

نئی دہلی ، 10 مئی :۔ حب الوطنی، فٹنس اور قومی اتحاد کا ایک شاندار جشن کے طور پر ’فٹ انڈیا سنڈیز آن سائیکل ‘کے 73 ویں ایڈیشن نے اتوار کی صبح نئی دہلی کے مشہور میجر دھیان چند نیشنل اسٹیڈیم کو جوش اور توانائی سے بھر دیا۔ اس سائیکلنگ مہم میں ہندوستانی فوج، ہندوستانی بحریہ اور ہندوستانی فضائیہ کے جوان شہریوں کے ساتھ شامل ہوئے۔

اس تقریب میں 800 سے زائد افراد بشمول مسلح افواج کے 60 نمائندے ( آرمی، نیوی اور ایئر فورس سے20-20نمائندے)نے شرکت کی۔ساتھ ہی کھلاڑی ، فٹنس کے شوقین ، طلباءاور ان کے اہل خانہ بھی شامل ہوئے۔ پروگرام میں بھارتی فضائیہ کے گروپ کیپٹن ایم ایل ایس پرساد، ہندوستانی فوج کے لیفٹیننٹ کرنل دارا سنگھ اور ہندوستانی بحریہ کے کیپٹن منیش سائیں کے علاوہ پہلوان پریا ملک اور دکشا ملک بھی موجود تھیں۔

اس موقع پر خطاب کرتے ہوئے گروپ کیپٹن ایم ایل ایس پرساد نے کہا،’آج میں اجتماعی طور پر مسلح افواج کی نمائندگی کر رہا ہوں۔ ہمارے سپاہی-ایتھلیٹس سائیکلنگ ٹیم کی قیادت کر رہے ہیں، اور ہمیں بہت خوشی ہے کہ ’ فٹ انڈیا ‘ نے ہمارے لیے اس خصوصی ایڈیشن کا انعقاد کیا ہے۔ مسلح افواج کی یہ کوشش ہے کہ ملک کا ہر شہری مکمل طور پر فٹ اور صحت مند رہے۔‘لیفٹیننٹ کرنل دارا سنگھ نے اس پہل کے سماجی پیغام کی تعریف کرتے ہوئے کہا کہ اس طرح کے واقعات ’منشیات سے چھٹکارا ‘ اور نظم و ضبط کے جذبے کو تقویت دیتے ہیں۔ جس طرح آرمی کے جوان جلدی اٹھتے ہیں اور فٹ رہتے ہیں اسی طرح ہر شہری کو صحت مند طرز زندگی اپنانا چاہیے۔ریسلر دکشا ملک نے بھی لوگوں کو فعال طرز زندگی اپنانے کی ترغیب دی۔ اس نے کہا کہ یہ صحت کے لیے بہت اچھا ہے۔ ہر شخص چاہے وہ جوان ہو یا بزرگ، کسی بھی نسل کا ہو اسے ایسا کرنا چاہئے۔ اس میں خوشی ، توانائی اور اتحادہے۔