تاثیر 22 جون ۲۰۲۶:- ایس -ایم- حسن
سرینگر، 22 جون: جموں و کشمیر کے لیفٹیننٹ گورنر منوج سنہا نے پیر کے روز گاندربل کے تلمولہ علاقے میں کھیر بھوانی مندر میں کا دورہ کرنے کے دوران پوجا پاٹھ کرنے کے دوران کہا کہ امن اور ہم آہنگی کو برقرار رکھنے کی ضرورت ہے۔ نامہ نگاروں سے بات کرتے ہوئے ایل جی سنہا نے کہا کہ سبھی نے دعا کی کہ جموں و کشمیر میں امن اور ہم آہنگی برقرار رہے اور ماتا کھیر بھوانی کا کرم سب پر ہو۔ انہوں نے میلے کے پرامن انعقاد کے لیے کیے گئے انتظامات کو سراہا۔ انہوں نے کہا، “میں عقیدت مندوں کے لیے کیے گئے بہترین انتظامات کے لیے اس میں شامل تمام لوگوں کی تعریف کرنا چاہوں گا۔” سنہا نے کہا کہ عقیدت مند کئی دہائیوں سے دیوی کا آشیرواد حاصل کرنے اور سالانہ میلے میں شرکت کرنے کے لیے آتے ہیں، جس کی بہت زیادہ مذہبی اور ثقافتی اہمیت ہے۔