تاثیر 14 جولائی ۲۰۲۶:- ایس -ایم- حسن
متھرا، 14 جولائی: اتر پردیش کے متھرا-ورنداون علاقے میں سماج وادی پارٹی (ایس پی) کے بانی آنجہانی ملائم سنگھ یادو اور پارٹی کے قومی صدر اکھلیش یادو کی متنازع ہورڈنگز لگانے کے بعدسیاسی سرگرمیاں تیز ہوگئی ہیں۔ اس واقعہ سے سماجوادی پارٹی کے کارکنوں اور لیڈروں میں شدید ناراضگیپھیل گئی ۔
منگل کی صبح گووردھن چوراہے کے قریبہائی وے اور ایف سی آئی گودام کے قریب دو متنازعہ ہورڈنگز دیکھے گئے۔ ان میں سماج وادی پارٹی کے سرکردہ لیڈروں کو کسی خاص مذہب کی ٹوپی پہنے دکھایا گیا ہے۔ پوسٹرز پر قابل اعتراض نعرے درج تھے۔ جیسے ہی مقامی رہائشیوں اور راہگیروں نے ان پوسٹروں کو دیکھا، کسی نے ان کی ویڈیو اور تصویر لے کر سوشل میڈیا پر پوسٹ کر دی، جس سے معاملہ گرم ہو گیا۔
جیسے ہی واقعہ کا علم ہوا، سماج وادی پارٹی کے کارکنان اور مقامی قائدین اپنا احتجاج درج کرانے کے لیے بڑی تعداد میں جمع ہوگئے۔ صورتحال کو بگڑتے دیکھ کر اور اطلاع ملتے ہی پولیس انتظامیہ فوراً حرکت میں آگئی۔ پولیس نے موقع پر پہنچ کر دونوں متنازعہ ہورڈنگز کو فوری طور پر ہٹا دیا۔