سنگھواڑہ کے دو پنچایتوں میں تعاونی کیمپ، عوامی مسائل سنے گئے

سنگھواڑہ دربھنگہ (محمد مصطفیٰ) سنگھواڑہ بلاک کے بنولی اور مادھو پور بستواڑہ پنچایتوں میں منگل کو تعاونی کیمپ کا انعقاد کیا گیا، جس کا افتتاح کیوٹی ایم ایل اے ڈاکٹر مراری موہن جھا نے کیا۔ کیمپ میں مختلف سرکاری محکموں کے کاؤنٹر قائم کیے گئے، جہاں عوام کی شکایات اور درخواستیں وصول کی گئیں بنولی پنچایت میں مکھیا سنجو کماری نے رکنِ اسمبلی، ڈی آر ڈی اے کے ڈائریکٹر بھو نیش مشرا، بی ڈی او وکرم بھاسکر، ایم او آکانکشا کماری، ضلع پریشد رکن دلیپ یادو، سرپنچ رمیش سہنی اور دیگر مہمانوں کو پاگ اور چادر پیش کر اعزاز بخشا اسی دوران معذور نوجوان چندن رائے رینگتے ہوئے کیمپ میں پہنچا اور ٹرائی سائیکل فراہم کرنے کی درخواست کی۔ رکنِ اسمبلی نے اس کی بات سننے کے بعد معذوری کا سرٹیفکیٹ اور دیگر ضروری دستاویزات سماجی بہبود محکمہ کے کاؤنٹر پر جمع کرا کر درخواست دینے کی ہدایت دی مادھوپور بستواڑہ پنچایت سرکار بھون تک سڑک نہ ہونے کی وجہ سے رکنِ اسمبلی اور دیہی باشندوں کو کھیتوں کی پگڈنڈی سے گزر کر کیمپ میں پہنچنا پڑا۔ وہاں مکھیا سنتوش پنڈت، رام بابو ساہ، گڈو یادو، پنچایت سمیتی رکن شکیل خان اور دیگر افراد نے ان کا استقبال کیا کیمپ کے دوران دیہی عوام نے بند پڑی نل جل اسکیموں کو فوری طور پر بحال کرنے کا مطالبہ کیا۔ رکنِ اسمبلی نے مختلف محکموں کے کاؤنٹروں کا معائنہ کیا اور متعلقہ افسران کو ضروری ہدایات دیں۔ پنچایت سرکار بھون تک رسائی کے لیے سڑک نہ ہونے پر انہوں نے سی او نیہا کماری کو زمین سے متعلق معلومات حاصل کرکے مسئلے کا جلد از جلد حل نکالنے کی ہدایت دی دوسری جانب نگر پنچایت سنگھواڑہ کے چودھری کیدار ناتھ پلس ٹو ہائی اسکول میں بھی تعاونی کیمپ کا انعقاد کیا گیا۔ اس کا افتتاح ایگزیکٹو آفیسر اکشے کمار اور اکاؤنٹنٹ چندر شیکھر مٹھو نے شمع روشن کرکے کیا۔ کیمپ میں مختلف سرکاری محکموں نے عوام کو فلاحی اسکیموں کی معلومات فراہم کیں اور درخواستیں بھی وصول کی