تاثیر 2 جولائی ۲۰۲۶:- ایس -ایم- حسن
سرینگر، 02 جولائی:سالانہ امرناتھ یاترا پر جانے والے 4,822 یاتریوں کا پہلا قافلہ جمعرات کو قاضی گنڈ میں نویوگ ٹنل کے ذریعے وادی کشمیر میں بے مثال حفاظتی انتظامات اور حکام کے روایتی استقبال کے درمیان داخل ہوا۔ عہدیداروں نے بتایا کہ قافلہ، جو پہلے جموں کے بھگوتی نگر یاتری نواس سے لیفٹیننٹ گورنر منوج سنہا کے ذریعہ جھنڈی دکھائے جانے کے بعد روانہ ہوا تھا، کثیر سطحی حفاظتی انتظامات کے دوران وادی میں داخل ہوا۔جیسے ہی یاتری قاضی گنڈ پہنچے، سول انتظامیہ، جموں و کشمیر پولیس اور مقامی باشندوں نے ان کا استقبال کیا۔ استقبالیہ میں پھول اور دیگر روایتی چیزیں شامل تھے جو وادی میں یاتریوں کے رسمی داخلے کی نشاندہی کرتے تھے۔ عہدیداروں نے کہا کہ محفوظ اور ہموار یاترا کو یقینی بنانے کے لئے وسیع حفاظتی انتظامات کئے گئے ہیں۔