تاثیر 29 جولائی ۲۰۲۶:- ایس -ایم- حسن
نئی دہلی، 29 جولائی: مرکزی وزیر برائے ماحولیات و جنگلات بھوپیندر یادو نے کہا ہے کہ بھارت نے شیروں کے تحفظ کے میدان میں عالمی سطح پر اپنی قائدانہ حیثیت کو مزید مضبوط کیا ہے۔ اس وقت دنیا کے تقریباً 75 فیصد شیر بھارت میں پائے جاتے ہیں۔ تازہ اعداد و شمار کے مطابق ملک میں شیروں کی تعداد بڑھ کر 3,682 ہو گئی ہے، جو ملک کے 58 ٹائیگر ریزرو میں آباد ہیں۔بین الاقوامی یومِ شیر کے موقع پر بدھ کے روز سوشل میڈیا پلیٹ فارم ایکس پر جاری اپنے پیغام میں بھوپیندر یادو نے کہا کہ شیروں کی بڑھتی ہوئی تعداد بھارت کے جنگلات کی بہتر حالت اور جنگلی حیات کے تحفظ کے لیے مسلسل کی جانے والی کوششوں کا واضح ثبوت ہے۔ یہ کامیابی اس بات کی غماز ہے کہ ملک میں تحفظِ جنگلی حیات سے متعلق پالیسیاں اور اقدامات مؤثر ثابت ہوئے ہیں۔
انہوں نے کہا کہ حکومت شیروں اور ان کے قدرتی طور پر رہنے کے تحفظ کے لیے اپنی وابستگی آئندہ بھی برقرار رکھے گی۔ اس کے ساتھ ہی جنگلات سے وابستہ مقامی برادریوں کی روزی روٹی کو مضبوط بنانے اور ان کے مفادات کے تحفظ کے لیے بھی مسلسل اقدامات کیے جاتے رہیں گے۔