تاثیر 6 جولائی ۲۰۲۶:- ایس -ایم- حسن
نئی دہلی، 6 جولائی: مغربی بنگال میں راجیہ سبھا کی تین سیٹوں کے لیے ووٹنگ 24 جولائی کو ہوگی۔ تینوں سیٹیں ترنمول کانگریس کے راجیہ سبھا ممبران کے استعفے کی وجہ سے خالی ہوئی تھیں۔ الیکشن کمیشن نے پیر کو تینوں نشستوں پر ضمنی انتخابات کا اعلان کیا۔الیکشن کمیشن کے مطابق ان نشستوں کے لیے نوٹیفکیشن منگل کو جاری کیا جائے گا، اور 14 جولائی تک کاغذات نامزدگی داخل کیے جاسکتے ہیں۔24 جولائی کو صبح 9 بجے سے شام 4 بجے تک ووٹنگ ہوگی، اور اسی دن شام 5 بجے گنتی شروع ہوگی۔
مغربی بنگال سے راجیہ سبھا کے ممبران سکھیندو شیکھر رائے، سشمیتا دیو اور پرکاش چک برائیک نے بالترتیب 8، 10 اور 11 جون کو استعفیٰ دے دیا، جب کہ ان کی میعاد 2029 میں ختم ہونے والی تھی۔ ان لیڈروں نے اپنی پارٹی ترنمول کانگریس کے ساتھ ایوان بالا چھوڑ دیا۔