تاثیر 17 اگست ۲۰۲۶:- ایس -ایم- حسن
ممبئی، 17 اگست : عمران ہاشمی کی فلم ’آوارہ پن 2‘ سنیما گھروں میں شائقین کی توجہ حاصل کرنے کے ساتھ باکس آفس پر بھی مضبوط کارکردگی دکھا رہی ہے۔ نتن ککڑ کی ہدایت کاری اور وِشیش بھٹ کی پروڈکشن میں بننے والی اس ایکشن تھرلر فلم نے ریلیز کے پہلے ہی روز ڈبل ڈیجیٹ کمائی کے ساتھ شاندار آغاز کیا۔فلم میں عمران ہاشمی کے علاوہ دشا پٹانی اور شبانا اعظمی اہم کرداروں میں نظر آ رہی ہیں۔
سیکنِلک کے ابتدائی اعداد و شمار کے مطابق ’آوارہ پن 2‘ نے پہلے دن 22 کروڑ روپے کا نیٹ کلیکشن کیا۔ دوسرے دن فلم کی کمائی میں زبردست اضافہ ہوا اور ہفتہ کو اس نے 33.75 کروڑ روپے کمائے۔اتوار کو تیسرے دن فلم نے تقریباً 26 کروڑ روپے کا کاروبار کیا۔ اس طرح تین دن میں فلم کا گھریلو نیٹ کلیکشن 81.75 کروڑ روپے تک پہنچ گیا ہے۔اگرچہ دوسرے دن کے مقابلے میں تیسرے دن فلم کی کمائی میں معمولی کمی دیکھی گئی، لیکن مجموعی کاروبار کو دیکھتے ہوئے فلم جلد ہی 100 کروڑ روپے کے کلب میں شامل ہونے کی جانب بڑھ رہی ہے۔