تاثیر 17 اگست ۲۰۲۶:- ایس -ایم- حسن
ممبئی، 17 اگست : سنی دیول کی فلم ’بٹوارا 1947‘ سنیما گھروں میں ریلیز ہوچکی ہے، لیکن باکس آفس پر اس کی کارکردگی توقعات کے مطابق نظر نہیں آرہی۔ سنی دیول کی مضبوط اسکرین پریزنس اور راج کمار سنتوشی کی ہدایت کاری کے باوجود فلم شائقین کو بڑی تعداد میں سنیما گھروں تک کھینچنے میں ناکام دکھائی دے رہی ہے۔
خاص بات یہ ہے کہ رواں سال کے آغاز میں ریلیز ہونے والی سنی دیول کی فلم ’بارڈر 2‘ نے پہلے ہی دن 32 کروڑ روپے کا کاروبار کیا تھا، جبکہ ’بٹوارا 1947‘ کی تین روزہ مجموعی کمائی بھی اس کے قریب نہیں پہنچ سکی۔
سیکنِلک کے ابتدائی اعداد و شمار کے مطابق ’بٹوارا 1947‘ نے پہلے دن 5.75 کروڑ روپے کے کلیکشن کے ساتھ انتہائی سست آغاز کیا۔ تاہم دوسرے دن فلم کی کمائی میں کچھ بہتری آئی اور اس نے 13.50 کروڑ روپے کا کاروبار کیا، جس سے فلم کے میکرز کو معمولی راحت ملی۔لیکن اتوار کو تیسرے دن فلم کی کمائی ایک بار پھر کم ہوکر تقریباً 7.25 کروڑ روپے رہ گئی۔ اس طرح تین دن میں فلم کا گھریلو نیٹ کلیکشن تقریباً 26.50 کروڑ روپے ہوگیا ہے، جبکہ عالمی سطح پر فلم کی کمائی تقریباً 37.11 کروڑ روپے بتائی جارہی ہے۔