تاثیر 25 اگست ۲۰۲۶:- ایس -ایم- حسن
کولکاتا، 25 اگست: گرو نانک انسٹی ٹیوٹ آف ٹیکنالوجی، جے آئی ایس گروپ کے تعلیمی ادارے کی جانب سے دھنو دھانیہ آڈیٹوریم میں فرسٹ ایئر طلبہ کے لیے ’پروش اتسو 2026‘ اور اورینٹیشن پروگرام کا انعقاد کیا گیا۔ پروگرام کا مقصد نئے طلبہ کو تعلیمی سفر کے آغاز پر رہنمائی، حوصلہ افزائی اور مستقبل کے مواقع سے روشناس کرانا تھا۔
تقریب میں معروف اداکار و فلم پروڈیوسر جیت، پلے بیک سنگر و میوزک کمپوزر روپنکر باگچی، معروف میوزک ڈائریکٹر سنتانو موئترا (آن لائن)، جے آئی ایس گروپ کے ڈپٹی مینیجنگ ڈائریکٹر سردار امریِک سنگھ، ڈائریکٹر سردار سمرپریت سنگھ، بزنس ڈیولپمنٹ کے ڈپٹی ڈائریکٹر بدیوت مجمدار اور متذکرہ بالا تنظیم کے پرنسپل پروفیسر (ڈاکٹر) سوروپ کمار مترا سمیت متعدد معزز شخصیات موجود تھیں۔
مقررین نے طلبہ سے خطاب کرتے ہوئے محنت، نظم و ضبط، تخلیقی صلاحیت، عزم اور اپنے مقاصد کے حصول کے لیے مسلسل جدوجہد کی اہمیت پر روشنی ڈالی۔ طلبہ نے ممتاز شخصیات کے تجربات سے استفادہ کیا۔
اس موقع پر سردار سمرپریت سنگھ نے کہا کہ ’پروش اتسو‘ طلبہ کے لیے سیکھنے، دریافت اور ذاتی نشوونما کے ایک نئے سفر کا آغاز ہے۔ انہوں نے کہا کہ تعلیم صرف تعلیمی کامیابی تک محدود نہیں بلکہ طلبہ میں اعتماد، قیادت، تخلیقی صلاحیت اور مقصد کا احساس پیدا کرنا بھی ضروری ہے۔