تاثیر 25 اگست ۲۰۲۶:- ایس -ایم- حسن
رانچی، 25 اگست ۔ دارالحکومت رانچی کے ستیہ بھارتی ہال میں بائیں بازو کی طلبہ تنظیم اسٹوڈنٹس فیڈریشن آف انڈیا (ایس ایف آئی) کی جانب سے منگل کو طلبہ کانفرنس کا انعقاد کیا گیا۔ کانفرنس میں جھارکھنڈ کے تعلیمی نظام، طلبہ کے مسائل اور تعلیم کے شعبے میں ضروری اصلاحات پر تفصیلی تبادلہ خیال کیا گیا۔
کانفرنس کے اہم مقرر ایشے گھوش نے جھارکھنڈ کے موجودہ تعلیمی نظام پر تشویش کا اظہار کرتے ہوئے کہا کہ تعلیم کو تمام طلبہ کے لیے قابلِ رسائی، معیاری اور مساوی بنانا ضروری ہے۔ ایس ایف آئی کے جھارکھنڈ ریاستی کوآرڈینیٹر دانش نے اعلان کیا کہ ستمبر سے ’اسکول بچاؤ مہم‘ چلائی جائے گی۔ اس مہم کے ذریعے سرکاری اسکولوں کی صورتحال، طلبہ کے مسائل اور حقِ تعلیم سے متعلق امور کو نمایاں طور پر اٹھایا جائے گا۔
کانفرنس میں ایس ایف آئی کے رانچی کوآرڈینیٹر فضا، اوجسوی راج، فیضان خان، سوما، جیوتی، روی کمار، سْکیشی کرماکار، چھوٹنی اسْر، وکی منج، روہت کیرکیٹا اور فراج عباس سمیت متعدد طلبہ اور کارکنان نے شرکت کی۔