تاثیر 23 ستمبر ۲۰۲۶:- ایس -ایم- حسن
نئی دہلی، 23 ستمبر: صدر جمہوریہ دروپدی مرمو، نائب صدر جمہوریہ سی پی رادھا کرشنن، وزیر اعظم نریندر مودی، لوک سبھا اسپیکر اوم برلا اور مرکزی وزیر داخلہ امت شاہ نے ہندوستانی کھلاڑیوں کو ایشین گیمز-2026 میں شاندار کارکردگی پر مبارکباد دی ہے۔ ویٹ لفٹر میرا بائی چانو نے خواتین کے 49 کلوگرام زمرے میں 28 سال بعد ایشین گیمز ویٹ لفٹنگ میں چاندی کا تمغہ جیت کر تاریخ رقم کی، جب کہ ہندوستانی شوٹر اور سافٹ ٹینس کھلاڑی جے مینا نے کانسہ کا تمغہ جیت کر ملک کا نام روشن کیا۔
صدر جمہوریہ مرمو نے خواتین کے اسکیٹ ٹیم ایونٹ میں کانسہ کا تمغہ جیتنے پر پریناز دھالیوال، رائزا ڈھلوں اور مہیشوری چوہان اور مردوں کے اسکیٹ ٹیم ایونٹ میں کانسہ کا تمغہ جیتنے پر اننت جیت سنگھ نروکا، بھاوتیگ سنگھ گل اور معراج احمد خان کو مبارکباد دی۔ صدر جمہوریہ نے کہا کہ کھلاڑیوں کی مہارت، عزم اور ٹیم کے جذبے نے ملک کو اعزازدلایا ہے۔
نائب صدرجمہوریہ رادھا کرشنن نے خواتین کے 49 کلوگرام وزن کے زمرے میں چاندی کا تمغہ جیتنے پر میرا بائی چانو کو مبارکباد دی۔ انہوں نے ان کے شاندار عزم اور مستقل مزاجی کی تعریف کی۔ انہوں نے خواتین کے اسکیٹ ٹیم ایونٹ میں کانسہ کا تمغہ جیتنے پر پریناز دھالیوال، مہیشوری چوہان اور رائزا ڈھلوں اور مردوں کے اسکیٹ ٹیم ایونٹ میں کانسہ کا تمغہ جیتنے پر اننت جیت سنگھ نروکا، بھاوتیگ سنگھ گل اور معراج احمد خان کو بھی مبارکباد دی۔نائب صدر جمہوریہ نے کہا کہ ان کی سٹیک، ٹیم ورک اور عمدہ کارکردگی نے ملک کا نام روشن کیا ہے۔ تمام تمغے جیتنے والوں کو آنے والے سالوں میں مزید کامیابیوں کے لیے نیک خواہشات۔