تاثیر28 ستمبر ۲۰۲۶:- ایس -ایم- حسن
جوہانسبرگ، 28 ستمبر: جنوبی افریقہ نے آسٹریلیا کے خلاف 9 اکتوبر سے شروع ہونے والی تین میچوں کی ٹیسٹ سیریز کے لیے اپنی ابتدائی ٹیم میں فاسٹ بولر کگیسو رباڈا کو شامل کیا ہے۔ ہیمسٹرنگ کی چوٹ سے صحت یاب ہو رہے رباڈا کی پہلے ٹیسٹ میں دستیابی کا فیصلہ اگلے ہفتے ہونے والے انٹرا اسکواڈ مقابلے کے بعد کیا جائے گا۔
رباڈا کو ونٹر ٹریننگ کے دوران ہیمسٹرنگ میں چوٹ لگی تھی اور وہ فی الحال اس سے صحت یاب ہو رہے ہیں۔ لْنگی اینگیڈی، اوٹنیل بارٹ مین اور کوینا مفاکا بھی ہیمسٹرنگ کی چوٹوں سے صحت یاب ہونے کے باعث ٹیم میں جگہ نہیں بنا سکے۔
مرکزی معاہدے سے باہر ہو چکے اینریک نورٹجے کو اضافیٹیم میں شامل کیا گیا ہے۔ وہ مارچ 2023 کے بعد اپنا پہلا ٹیسٹ کھیلنے کی دوڑ میں شامل ہیں۔
ٹیم میں مجموعی طور پر سات فاسٹ بولرز کو جگہ دی گئی ہے۔ جیرالڈ کوئٹزی بھی ٹیم کا حصہ ہیں، جنہوں نے گزشتہ ہفتے آسٹریلیا کے خلاف پہلے ون ڈے میں انجری کے بعد بین الاقوامی کرکٹ میں واپسی کی تھی۔ انہوں نے آخری ٹیسٹ نومبر 2024 میں کھیلا تھا۔