تاثیر2 اکتوبر ۲۰۲۶:- ایس -ایم- حسن
شاہجہاں پور، 2 0اکتوبر: اتر پردیش کے شاہجہاں پور ضلع کے خداگنج تھانہ علاقے میں مندر کے اندر دو سادھوؤں کو قتل کرنے اور ان کی لاشیں جلانے کے معاملے میں پولیس نے جمعہ کو مرکزی ملزم کو گرفتار کر لیا۔ پولیس نے اس کی نشاندہی پر واردات میں استعمال کی گئی خون کے دھبوں والی لوہے کی راڈ بھی برآمد کر لی ہے۔
ایڈیشنل سپرنٹنڈنٹ آف پولیس (دیہات) بھنورے دکشا ارون نے بتایا کہ خداگنج تھانہ علاقے کے سوتھا گاؤں میں واقع مندر میں یکم اکتوبر کی رات بابا گوپال داس اور بابا بہاری داس پر لوہے کی راڈ سے حملہ کرکے انہیں قتل کر دیا گیا تھا۔ اس کے بعد دونوں کی لاشوں کو مندر میں رکھی لکڑیوں اور چراغ جلانے کے لیے رکھے گئے گھی کی مدد سے جلا دیا گیا تھا۔
اس معاملے میں مندر کے سرپرست شیِو کمار سنگھ کی شکایت پر خداگنج تھانے میں سوتھا گاؤں کے رہنے والے سْمِت کمار سنگھ (35) کے خلاف قتل کا مقدمہ درج کیا گیا تھا۔ پولیس نے مخبر کی اطلاع پر جمعہ کی صبح کٹھینا ندی کے پل کے قریب سے ملزم کو گرفتار کر لیا۔