تاثیر11 اکتوبر ۲۰۲۶:- ایس -ایم- حسن
بیڑ، 11 اکتوبر:مہاراشٹر کے ضلع بیڑ میں کیج مانجرسمبا شاہراہ پر کیج تعلقہ کے سارول پھاٹا کے قریب تیز رفتار ہائیوا ٹرک اور پک اپ گاڑی کے درمیان شدید تصادم ہوا۔ اس حادثے میں ابتدائی اطلاعات کے مطابق ایک شخص کی حالت تشویشناک ہے، جبکہ 4 دیگر افراد شدید زخمی ہوئے ہیں۔ تصادم کی شدت کے باعث دونوں گاڑیوں کو بڑے پیمانے پر نقصان پہنچا ہے۔
موصولہ اطلاعات کے مطابق حادثہ کیج مانجرسمبا شاہراہ پر واقع سارول پھاٹا کے مقام پر پیش آیا، جہاں تیز رفتار ہائیوا اور پک اپ گاڑی آپس میں ٹکرا گئیں۔ حادثے میں شامل پک اپ گاڑی کا رجسٹریشن نمبر ایم ایچ 44 یو 4307 ہے، جبکہ ہائیوا ٹرک کا رجسٹریشن نمبر ایم ایچ 44 یو 9557 بتایا گیا ہے۔ ٹکر اتنی شدید تھی کہ دونوں گاڑیوں کو کافی نقصان پہنچا۔ حادثے کی اطلاع ملتے ہی مقامی شہریوں کی بڑی تعداد جائے وقوع پر جمع ہوگئی۔ واقعے کے بعد علاقے میں افراتفری اور تشویش کا ماحول پیدا ہوگیا۔ ابتدائی معلومات کے مطابق حادثے میں متاثر ہونے والے افراد میں سے ایک کی حالت نازک بتائی جارہی ہے، جبکہ دیگر 4 افراد شدید زخمی ہیں۔