تاثیر11 اکتوبر ۲۰۲۶:- ایس -ایم- حسن
نئی دہلی، 11 اکتوبر:چیف الیکشن کمشنر گیانیش کمار کے استعفے کے مطالبے کو لے کر 10 اکتوبر کو احتجاج کرنے کے لیے دہلی آ رہے کاکروچ جنتا پارٹی (سی جے پی) کے تین رہنماؤں ابھیجیت دیپکے، سوربھ داس اور آشوتوش رانکا سمیت پارٹی کی قانونی امور کی سربراہ رتنا سنگھ کو رہا کر دیا گیا ہے۔ جنوبی مغربی دہلی کے اسپیشل ایگزیکٹیو مجسٹریٹ نے ان کی رہائی کا حکم دیا۔
اسپیشل ایگزیکٹیو مجسٹریٹ نے ایک سال تک امن و امان میں خلل نہ ڈالنے کی شرط پر انہیں رہا کرنے کا حکم دیا۔ سی جے پی کے تین رہنماؤں دیپکے، سوربھ داس اور آشوتوش رانکا کو 10 اکتوبر کو طیارے سے ہی گرفتار کر لیا گیا تھا۔ دہلی پولیس نے ان کے خلاف بھارتیہ نیائے سرکشا سنہتا کی دفعات 126 اور 170 کے تحت کارروائی کرتے ہوئے انہیں گرفتار کیا تھا۔ رتنا سنگھ کو بھی 10 اکتوبر کو احتجاج کے لیے روانہ ہوتے وقت ان کے گھر کے قریب سے گرفتار کیا گیا تھا۔