تاثیر 20 مئی ۲۰۲۶:- ایس -ایم- حسن
نئیٹہری، 20 مئی: چمبہ-آراکوٹ روڈ کے ستیوں-سکلانہ علاقے کے ناواگاؤں میں بدھ کی صبح ایک ہیلی کاپٹر نے ہنگامی لینڈنگ کی۔ ٹرانس بھارت ایوی ایشن کمپنی کا ہیلی کاپٹر بدری ناتھ دھام سے دہرادون واپس آ رہا تھا۔بتایا گیا ہے کہ پرواز کے دوران تکنیکی خرابی پیدا ہونے پر پائلٹ نے ذہانت کا مظاہرہ کرتے ہوئے ہیلی کاپٹر کو بحفاظت ایک کھیت میں اتارا۔ طیارے میں پائلٹ سمیت چھ افراد سوار تھے اور سبھی محفوظ بتائے جارہے ہیں۔اطلاعات کے مطابق، ہیلی کاپٹر پرواز کے دوران ہائی ٹینشن پاور لائن سے رابطے میں آگیا، جس سے اس کے پچھلے حصے کو نقصان پہنچا۔ واقعے کی اطلاع ملتے ہی پولیس، انتظامیہ اور متعلقہ محکموں کی ٹیمیں جائے وقوعہ پر پہنچیں اور امدادی کارروائیاں شروع کردیں۔ ابتدائی تحقیقات سے پتہ چلا ہے کہ تمام مسافر محفوظ ہیں۔