تاثیر 22 جون ۲۰۲۵:- ایس -ایم- حسن
نئی دہلی، 22 جون : انٹرنیشنل اولمپک کمیٹی نے اتوار کو اولمپک ڈے پر ‘لیٹس موو’ مہم کے تحت ریس کا اہتمام کیا۔ دہلی کی وزیر اعلیٰ ریکھا گپتا نے مرکزی وزیر منسکھ منڈاویہ اور راجیہ سبھا کے رکن اور انڈین اولمپک ایسوسی ایشن کی صدر پی ٹی اوشا کے ساتھ اس مہم میں حصہ لیا۔اس موقع پر وزیر اعلیٰ نے کہا کہ وزیر اعظم نریندر مودی کی قیادت میں ملک نے کھیلوں کا ایک نیا سنہرا دور دیکھا ہے۔ اولمپکس میں تاریخی کارکردگی ہو، کھیلو انڈیا جیسی وڑنری اسکیمیں ہوں یا ملک بھر میں کھیلوں کے انتہائی جدید انفراسٹرکچر کی ترقی، ہندوستان کو کھیلوں کی سپر پاور بنانے کا ایک عظیم مشن شروع ہو گیا ہے۔
وزیر اعلیٰ نے کہا، “ملک کو مسلسل بہتر کھلاڑی مل رہے ہیں اور مرکزی حکومت کھلاڑیوں کو بہتر سہولیات فراہم کر رہی ہے۔ ملک اولمپکس-2036 کی میزبانی کے لیے پوری طرح تیار ہے۔ ہم یہ میزبانی حاصل کرنا چاہتے ہیں۔ ہمارے کھلاڑیوں کو خود کو تیار کرنا چاہیے۔وزیر اعلیٰ نے کہا کہ اسی تحریک کے ساتھ ہماری حکومت دہلی کو کھیلوں کی راجدھانی بنانے کے لیے پوری طاقت کے ساتھ کام کر رہی ہے۔ نوجوان کھلاڑیوں کو بہتر سہولیات اور نئے مواقع فراہم کرنے کا ہمارا عزم اٹل ہے۔ انہوں نے کہا کہ دہلی حکومت راجدھانی کو فٹ، بیماری سے پاک اور سرسبز بنانے کے لیے پرعزم ہے۔