تاثیر 13 مئی ۲۰۲۶:- ایس -ایم- حسن
نئی دہلی، 13 مئی: مرکزی حکومت ملک میں بڑی بلیوں کے تحفظ کو فروغ دینے اور بین الاقوامی بگ کیٹ الائنس کے مقاصد کو اجاگر کرنے کے لیے پانچ نکاتی تھیم پر مبنی تقریبات کا انعقاد کرے گی۔ یہ تقریبات شیر، ایشیائی شیر، تیندوا، برفانی تیندوا اور چیتا کے تحفظ سے متعلق کوششوں، کامیابیوں اور چیلنجوں کی نمائش کریں گی۔
ماحولیات، جنگلات اور موسمیاتی تبدیلی کی مرکزی وزارت نے بدھ کو کہا کہ یہ تقریبات بین الاقوامی بگ کیٹ الائنس سمٹ 2026 سے پہلے ملک کی مختلف ریاستوں میں منعقد کی جائیں گی۔ یہ تقریبات گر، گجرات، بھوپال، مدھیہ پردیش، بھونیشور، اڈیشہ، گنگٹوک، سکم اور مہاراشٹر کے چندر پورمیں منعقد ہوں گی۔
گر میں ایشیاٹک لائن کنزرویشن پروگرام پروجیکٹ شیر، سائنسی نگرانی کے نظام، رہائش گاہ میں بہتری اور مالدھاری کمیونٹی کے کردار کو اجاگر کرے گا۔ چندر پور میں ٹائیگر کنزرویشن پروگرام پروجیکٹ شیئر، وائلڈ لائف کوریڈور کے تحفظ، مصنوعی ذہانت پر مبنی نگرانی کے نظام اور انسانی ٹائیگر تنازعہ کو کم کرنے کی کوششوں کی نمائش کرے گا۔