تاثیر 27 ستمبر ۲۰۲۶:- ایس -ایم- حسن
کاٹھمنڈو، 27 ستمبر: نیپال کے وزیر خارجہ ششر کھنال نے نیویارک میں اقوام متحدہ کی جنرل اسمبلی کے 81 ویں اجلاس کے موقع پر متحدہ عرب امارات (یو اے ای) کے نائب وزیر اعظم اور وزیر خارجہ شیخ عبداللہ بن زاید النہیان سے دو طرفہ ملاقات کی۔ ملاقات میں دونوں ممالک کے درمیان تعلقات کو مزید مستحکم کرنے اور باہمی دلچسپی کے شعبوں میں تعاون بڑھانے پر تبادلہ خیال کیا گیا۔اقوام متحدہ میں متحدہ عرب امارات کے مستقل مشن میں منعقدہ اجلاس کے دوران وزیر خارجہ کھنال نے نیپال میں سیلاب سے متاثرہ لوگوں کے ساتھ اظہار تعزیت اور یکجہتی پر متحدہ عرب امارات کی حکومت اور عوام کا شکریہ ادا کیا۔ انہوں نے سیلاب سے متاثرہ لوگوں کو فراہم کی جانے والی اہم انسانی امداد پر بھی متحدہ عرب امارات کا شکریہ ادا کیا۔کھنال نے متحدہ عرب امارات کے سیلاب سے متاثرہ لوگوں کی مدد کے لیے 25 ملین امریکی ڈالر (تقریبا 2.5 کروڑ ڈالر) کی اضافی مالی امداد کے نئے عزم کا خیرمقدم کیا، اور اس کے لیے متحدہ عرب امارات کا شکریہ ادا کیا۔